一年一度嘅最佳新聞獎噚日喺萬豪酒店舉行頒獎禮，請咗煲呔做主禮嘉賓，八方應恒生銀行之邀去食晏，見吓班行家，估唔到可以順便聽埋煲呔教訓傳媒同業點做新聞。
特區時代嘅新聞，有時真係做到好荒謬，所以搞吓呢啲獎都無拘，論好玩梗係冇前晚個電影頒獎禮咁過癮。
八方見到幾個攝記喺自己得獎作品前影相（今年《蘋果》贏咗新聞圖片組冠軍、特寫圖片組亞軍及體育圖片組冠軍），非常開心，八方都戥佢哋高興。攞獎，畢竟係難得嘅，攞得一次得一次啦！
不過，呢個傳統活動，台上有特首教訓傳媒同業點做新聞，台下有中聯辦高層撐場，越來越政治化，《蘋果》怕且都冇乜興趣再參加呢個比賽。
爆料熱線：29290000、27860099
報料傳真：26239278
報料電郵：[email protected]