呢期最Hit嘅歐洲揭背車係邊部?唔使問阿貴都知道係福士GolfGTI喇,因為賣得又改得嘛!日前我特別走訪有歐洲車改裝專家之稱的TWAutosport負責人Tony,問問改GolfGTI要留意啲乜?點知佢諗都唔諗就話:「唔好亂改呀,好易會無力又大食,一個唔小心,仲會整壞個引擎同電子系統㖭,成部車『打柴』!」
Tony話如果要改尾喉,謹記唔好選擇一些太粗的款式,催化器則要是原裝的,因為可以Keep住原來的低扭力輸出,還有最重要係不可揀選一些過嘈的尾喉「始終GolfGTI係揭背車,無咗個尾廂擋一擋,噪音好容易會傳入車廂㗎!」至於風隔則可用一啲碳纖形式的,因為可以加強吸風量之外,也可以減低吸入引擎的空氣溫度,令引擎可以正常運作。
行車電腦方面,先用熱風槍去打開電腦的Cover,然後再用Reader將數據讀出,再經E-mail傳送到德國由專人修改,隨後再傳回給他們讀回行車電腦內便大功告成。如果日後想要回原裝Data,也可找他們利用相同方法,將原裝Data再讀入行車電腦內便可。
記者:鄭達基