一直傳聞會喺濠江會有大搞作的豐德麗（571），終於連同麗新發展（488）在昨日停牌。
經紀陳聲稱自己有堅料，話今次豐德麗喺澳門塊地，搵到策略投資者入股，涉及金額聽講好誇張，所以豐德麗復牌之時，分分鐘會炒到飛沙走石。
豐德麗停牌前報6.70元，市值接近50億銀，但經紀陳話隻股仍然有排炒，真係信不信由你。
其實講誇張，西王糖業（2088）上市至今，股價累積升幅大到不得了，雖然唔少分析員都話已經到晒價，但隻股上周五公布業全年業績，盈利有成2.098億元人民幣，比去年多出166.2%，高過晒好多分析員嘅預期。
經紀黃就話，糖價持續勁升，西王的主打產品葡萄糖售價，預計上升空間唔細，左計右計之下，西王股價仍係高處未算高。
西王昨日升3.21％，收4.825元，成交金額6083.5萬元。
慕容小初