前亞姐冠軍樂蓓前晚在灣仔君悅酒店，大排筵席為愛女擺出生百日酒，不少高官、名人包括馬時亨、賭王四姨太梁安琪、富豪李兆基等捧場，派頭十足。樂蓓謂囡囡賀禮將捐予內地宗教團體，希望她自小培育一顆善心。
八八年亞姐冠軍樂蓓多年前嫁入豪門，成為潮州商人、金源米業後人林烱偉太太，去年底屬高齡產婦的她為林家誕下女兒。
前晚樂蓓為女兒Natalie擺百日酒，在君悅酒店豪包全個Ballroom，更以紅玫瑰、蝴蝶蘭等悉心布置，非常大陣仗。仍未完全收身樂蓓，穿上在Joyce買的釘珠晚裝裙獨自招呼記者，她說：「𠵱家個女三個幾月大，好得意！今晚大家嚟熱鬧吓、開心吓，叫咗來賓唔好送禮，捐錢畀內地一間基督教機構做善事，希望個女細細個就培育有一個慈善嘅心。」
問樂蓓夫家潮州人重男輕女，可會再追生個兒子？她說：「追唔追遲啲先諗啦，都唔係太急囉，因為我哋兩公婆都信（基督）教，希望畀多啲時間做吓教會事。」
四姨太姍姍來遲
前晚不少達官貴人及樂蓓圈中舊友出席飲宴，如財經事務及庫務局局長馬時亨、梁錦松伏明霞夫婦、李鵬飛、謝賢、狄波拉、陳細潔等，地產富豪四叔李兆基、林炳昌更各有保鑣隨行。
姍姍來遲的賭王何鴻燊四姨太梁安琪在開席後，才拎住貴價LV袋到場，她透露剛從澳門趕返，她說：「澳門打吡賽，冇直升機，所以遲咗。」近期三姨太陳婉珍高調現身社交圈，傳出與梁安琪不和，前晚梁安琪心情極好，她笑笑口說：「儍嘅，我點會唔開心！」
採訪：RitaLeung
攝影：ChanChiLam
