方力申前晚與Cookies演出音樂會，他要全場觀眾的手提電話大合奏，卻只獲少數fans響應，慘食檸檬。豈料昨日參加競步賽時，他又輸給百多位中年漢，包尾而回，認真失禮。
方力申與Cookies前晚在九龍灣國際展貿中心演出「中原電器NokiaCrossFever音樂會」，在遊戲環節，方力申提議觀眾們響起手提電話鈴聲，他說：「現場一千二百部電話一齊響，震撼性好勁。」怎料只得少數人附和，鈴聲少兼只能維持一陣子，毫無氣勢可言，方力申顯得相當尷尬，只好沒趣的說：「咁算啦，唔使再玩啦。」
事後方力申說：「我經驗唔夠，好彩有幾十個歌迷撐我，𤓓咗啲囉，但我都處變不驚。」問他是否第一次台上遇尷尬事，方力申說：「算係，有一半現場觀眾請食檸檬，酸到我死，第一次有咁多檸檬囉，好彩叫人拍掌都有人拍。」
拒加入姊妹團
方力申又謂今次音樂會一王四后，感到很威風，他也想和Cookies合唱。至於Cookies四女曾謂當方力申是姊妹，他則說：「唔得，我接受唔到同人做姊妹，呢啲係人哋追唔到人先咁叫。」吳雨霏則指一王四后益了方力申，她說：「我哋最多當佢係Cookies成員，係姊妹團一分子。」
自誇步法正宗
此外，方力申昨早以競步大使身份在中環參加地鐵競步賽，最終以包尾姿態返回終點，相比百多位中年男士參賽者似乎有點失禮，但方力申依然死撐：「今次係大使身份，步法要好標準，雖然跑包尾，但都好多人歡呼，仲追住我影相，今次輸畀老人家真丟臉，下次我邀請啲主席游渡海泳贏番佢哋。」
採訪：王連連、卓寶花 攝影：陳慧安
