由於有咗BB，所以飲食習慣都要改善吓，例如我會食得清淡啲，少啲落油同埋糖，盡量少炒餸食，改為清蒸，同埋煲多啲湯水。另外知道大肚婆要吸收多啲蛋白質，所以我會用雞蛋炒瘦肉、蒸水蛋，就算煮粟米湯都會落多隻雞蛋㗎；最後，大肚成日都會腰痠背痛，大家可以用豬骨、桑寄同杜仲煲湯飲，情況就可以改善喇。
