他的服務對象，都有不可告人的故事，即使是至愛的家人，他們也不會洩露半句，惟有對着他，他們才可暢所欲言。在香港愛滋病基金會工作十多年的李文偉，多年來陪伴末期愛滋病病人走他們人生的最後一程，照顧社會上看來最不可親、不可愛的人，只希望這些病者不需要背負着患病的秘密，鬱鬱而終。
患有愛滋病的「阿伯」與李文偉於五年前在醫院轉介下認識，當時阿伯對這位「社工大人」非常抗拒，「佢七十幾歲，無人無物，平時連水都唔飲，住喺板間房，口渴就落大牌檔斟茶飲，咁我咪拎住個水煲，諗住借畀佢，連續兩、三個月，喺醫院門口『捕』佢。」
「佢見親我，就問我『你嚟做乜鬼，你做正經嘢啦！』其實佢心裏面係開心嘅，因為有人關心佢。」李文偉說，當時偷聽到阿伯住在西環，就大着膽子作出邀約。
成了唯一親人
當時阿伯不願意定時服藥，李文偉就走到阿伯的家探望，「佢住啲板間房，都係啲單身男人住嘅地方，㩒鐘又無人理，環境唔係咁好，啲人淨係着住孖煙囪，阿伯住尾二間房，我一路行，啲人將我由頭望落腳，空氣又差。」
「包租公問我係邊個，我又唔講得我係社工，咪支吾以對囉。」到後來阿伯過身，李文偉收到醫院的來電，「個姑娘話，打去阿伯住嘅地方，包租公話佢好似無親戚，但有個契仔成日嚟探佢，問我知唔知個契仔係邊個。」
這位阿伯的「契仔」正正就是李文偉，李文偉沒有想到，阿伯竟將自己視作親人，他自言不是頭頂有光環的天使，「只係咁啱有機會，接觸到呢班朋友。」李文偉現在是香港愛滋病基金會高級項目主任，經常會看着服務對象過世，「初初入行都會唔開心，不過唔開心幾日就算，好慶幸可以陪佢哋行埋最尾幾步。」
他又說，社會上不少人需要幫忙，愛滋病病人的痛苦最能觸動他，「病已經好辛苦，我自己頭痛、發燒一個禮拜已經想死，如果有愛滋病，唔話得畀人聽，或者唔覺意俾人知道咗，俾人歧視，你話天理何在？」
記者 張嘉雯
逢周一刊出