許冠文愛女許思行同拍拖兩年嘅怡邦行控股家族成員謝新偉長子謝漢傑，前晚喺洲際酒店擺結婚喜酒，馮仁昭以為做阿叔嘅歌神許冠傑（Sam），點都會畀面出席飲姪女呢餐喜酒，點知許冠武、許冠英兩兄弟到晒，連阿Sam太太、大仔懷恩同太太以及細仔懷谷都到埋，都依然唔見阿Sam出現。
問懷恩點解唔見阿Sam出現時，佢就解釋話：「爹哋有嘢做，未必嚟到！」
劉青雲到賀
馮仁昭心諗有冇搞錯呀，有乜嘢工作緊要得過大佬嫁女先？再講，阿Sam啲工作有幾趕，又或者佢究竟有幾忙，大家心知肚明，做兄弟做成咁，真係搭飛機啦！相比起連走兩場、賀完許冠文之後再出席金像獎嗰啲賓客，人哋就真係有心啦！另外，前晚白韻琴、謝偉俊、周梁淑怡、劉青雲同太太郭譪明都有飲喜酒，好鬼熱鬧。
