近日個市咁旺，大福董事總經理黃紹開直頭話飲得杯落！不過，佢轉頭又話自己只買基金唔炒股，唔係倒自己米，而係涉及太多利益，費時煩。 但佢老哥買基金，都係揀股票基金，仲話睇好亞洲同日本兩個市場，又話買得貴唔緊要，最緊要係揀質素。 佢話舊年大福多咗八千新客，今年就希望增加一萬，計劃年底前開多間新舖，最理想就係將軍澳咁話。