唉，眨吓眼，話咁快就八年！真係都唔知做過啲乜！我講緊嘅係奧迪TT，你哋話部車咁多年來，除咗加多台3.2公升偈同個Look執過少少之外，仲改過啲咩！好在，車廠方面終於知道部車係時候轉Look，早前就推出咗內外都有改變嘅TT。先講吓部車個Look先，雖然仲係玩雙門Coupe呢種Style，但多個地方都有變動，最正斗係個車頭用咗FamilyLook設計嘅鬼面罩，還有那個配上扁長尾燈嘅車尾！車廂係點？繼續玩豪華跑車Style，若要數落去都唔知要數到幾時。不過，我最鍾意都係佢個軚盤，因為揸落去好有手感，好似揸緊F1賽車咁囉！Engine今次有2.0Turbo的TFSI（200匹）、還有3.2公升V6型號（250匹），用它們作動力核心，你還怕它無力嗎？
記者：鄭達基
