尹子維日前被本報踢爆在慶功飯局上借醉勾義嫂，情挑好友連凱的老婆Amanda，對她又攬又錫後，前晚眾alive成員在灣仔酒吧為影后周迅慶祝時，尹子維身邊又多了一位少女。
語調晦氣
二人步出酒吧時，記者立即上前拍照，該少女顯得有點害怕。尹子維截的士後，示意對方跟他一起上車，但因記者不停拍照，少女畏懼地說：「咁尷尬，點上車呀。」擾攘了五分鐘，少女終跟他上了的士。
而alive昨日在文化中心出席活動，記者問尹子維是否又識了新女？他晦氣地說：「冇呀。」其後又說：「你問番你個記者朋友，我唔知。」以極爛的態度回應完後，尹子維拋下一句「我唔知」，便轉身扮跟其他人談天，逃避記者追問。
至於勾義嫂事件，尹子維說：「實際上連凱係我男友，我哋發展咗兩年，Amanda都知，我哋嘅感情仲發展得好穩定㖭。」事後他又與連凱攬到面貼面，力證友情不變。
採訪：張俊銘
攝影：陳志嵐、娛樂突發組
