復活節將至，市面上色彩絢爛的復活蛋，令人垂涎。有逾十年甜品製作經驗的馬哥孛羅太子酒店糕餅部助理總廚陳志偉指出，大小朋友也可自己動手製作復活蛋，價錢經濟，製作過程亦非常簡單。
曾於港麗酒店及港島香格里拉大酒店任糕點廚師的陳志偉表示，朱古力復活蛋、復活兔等並不難做，但要慎選朱古力種類，否則會影響視覺效果及味道。他解釋，首先要挑選煮食用的朱古力，不應揀選市面上出售的條裝朱古力，因為後者通常蘊含雜質如果仁、提子乾等，影響效果。另外，也要留意標明於包裝上的可可純度，「如果可可純度係30%，就會整到脆身嘅朱古力。」
可往樓上舖買材料
另外，朱古力種類價錢大眾化，「靚嘅朱古力可以成三百幾蚊一磅，經濟一啲嘅，一磅只不過廿幾蚊；亦可考慮普通超市有得賣嘅吉百利煮食用朱古力。」不過他建議市民可前往樓上舖購買材料，「因為多啲選擇同平啲，如果兩包嘅可可都一樣，就要揀貴啲嗰種，因為平啲通常代表佢多雜質。」
至於煮溶朱古力亦有兩種方法，貪方便的市民可以微波爐「叮」溶；想效果好的則可用熱水「助熱」朱古力，但水溫非常重要，「水太熱，朱古力凝結之後會有白點。」之後可以用雞蛋蘸朱古力漿，最後再以朱古力漿將兩邊黏起。如想以色彩繽紛的小雞及圖案作點綴，只需購買顏色糖霜混合蛋白成漿，搓成心水圖案便成。
陳志偉又推介製作簡易十字包應節，首先將糖霜及蛋白混合，然後在市面上輕易買到的提子包上掃「十」字，放入焗爐微烘，十字包便大功告成。
記者 黃嘉寶
逢周一刊出