富士係WRC賽事中唯一一部用高置式Intercooler嘅賽車，亦係佢哋好自豪嘅設計，但我哋最近睇過富士新一季WRC賽車，發現好多機件都唔同咗，特別係個高置式冷卻器，竟然變成引擎吸風口，而Intercooler（中冷器）就好似其他賽車咁搬咗去車前泵把內。
今次大轉變，解答咗好多車迷嘅疑問，究竟高置中冷器好，定係前置式好呢？富士WRC賽車話你之，要激走的話，前置係有一定好處。據知新車嘅引擎馬力加大咗，對冷卻要求亦有提高，所以有這種驚人的改動。新車的電子點火系統，都轉移安裝在車內，確保一定的耐用性，為咗大家更清楚STi版街車同WRC賽車分別，我哋特別影多一張STi版嘅相作比較。
記者：伍旋卓