追捧色士風手BennieWallace超過十年，所以知道這位專吹奏低音色士風的浪子過去跟不少爵士品牌合作過，而本碟其實已經係三年前嘅錄音，只係最近有代理引入才有機會在本地市場曝光。從天碟監製JoeHarley、製版師BernieGrundman及跟Bennie合奏的兩位爵士樂壇老大哥KennyBarron和EddieGomez這個超級陣容來看，已120%肯定這是一張天碟級錄音，再加上碟內演奏的盡是浪漫到暈的爵士名作，無論閣下係爵士樂迷或音響發燒友相信今次都走唔甩。只聽頭一首《ComeRainOrComeShine》半分鐘就知色士風的音色有幾美艷、每粒鋼琴音色有幾鏗鏘通透、低音提琴的香濃牛筋味更是撲面而至。「靚到可以用嚟送酒」最能反映此碟正到邊個地步。
文：李廸偉（hk.myblog.yahoo.com/reviewcd）