由黃耀明擔任主腦的「人山人海」最近將錄音室搬至中環，面積達一千八百多呎，據知投資超過百萬，負責設計的陳米記因應各成員的喜好布置，充滿家的感覺。明哥表示今次搬新錄音室有重大意義，代表着人山人海自九九年成立以來的努力，是一次業務上的擴充；而人山人海將染指電影和廣告配樂，作更多元化的發展。撰文：李珮洳 攝影：陳慧安
其實人山人海成員有十多人，較為熟識的除了主腦黃耀明外，旗下歌手還有at17和PixelToy，幕後成員則有蔡德才（Jason）、李端嫻（Veegay）、梁基爵、亞里安、何秀萍、于逸堯和陳浩峰等，各有不同工作崗位。
享受廁所講是非
最近成為西九龍文娛藝術區核心文化藝術設施諮詢委員會委員的明哥，透露一直希望有間設備完善的錄音室，雖然舊錄音室面積不算細，但總會遇上不同問題，他日前說：「我哋喺舊錄音室錄音時，會喺個廳度進行，嗰度冇任何隔音設備，錄音時就要閂冷氣，否則會錄埋啲雜音，有時落大雨或者雀仔叫聲都會錄埋落去㗎。」
雖然如此，舊址的客廳是眾成員聚集談天的地方，明哥希望新錄音室能貫徹這個特色，他說：「我唔想個studio太過formal，我想畀大家一個好屋企嘅感覺；另一方面，我又希望個錄音室正統啲，工作時可以好認真，做完嘢又可以有個好relax嘅地方唞唞。」
其他幾位成員Jason、Veegay、at17和PixelToy亦提出不同要求。Jason就要求有個「有系統」的工作空間，他說：「我做嘢時有六七個琴要用，所以同設計師講要有張大嘅工作枱，同埋啲琴要有系統咁擺。」Veegay就要求將錄音室其中一邊窗封了，建成書架牆，因她很喜歡閱讀，她說：「書架上放滿嘢對做音樂有幫助，因為如果間房太空曠嘅話，做出嚟啲聲未必咁好聽，幅牆可反彈番啲聲出嚟，會仲好聽。」
而at17以往錄音都要關冷氣，成員盧凱彤（Ellen）說：「以前錄音時彈結他，好多時錄錄吓會成身大汗。」二汶就渴望有寬敞洗手間，她笑說：「今次見到咁大嘅廁所，真係開心到不得了。以前我同Ellen迫喺廁所化妝，但我哋一路化一路講是非。」
錄音室無處不在
至於PixelToy，兩位成員異口同聲說：「我哋好想保留一個地方畀所有成員圍埋傾偈，同埋𠵱家有個咁大嘅電視，我哋可以一齊睇MV同睇戲。」Jason和Veegay表示以前錄音是在客廳進行，新的「人山人海」錄音室亦會保留這個獨特之處，除了正規錄音室外，Jason和Veegay的工作間、寫字樓和客廳都是個錄音室。
