身為愛護動物協會會長嘅傅明憲，一向做善事都不遺餘力，佢前晚為協會幫《冰河世紀2》舉行慈善首映禮，籌得十一萬元，老公葉劍波當然有出席撐場，而有份配音嘅李璨琛、應昌佑同少爺占都有嚟，同應昌佑傳緋聞嘅衞蘭都不避嫌捧場，但佢哋就唔認拍拖，就算之前俾人話衞蘭睇光良演唱會時睇到興奮得滯捉住應昌佑隻手，都解釋因為大家係好朋友玩得癲至係咁喎，唔知大家又信唔信呢？
