大屎筒份人利字當頭，成日恃住自己資歷厚，諗盡屎橋向後生藝人cap水，但佢份人就孤寒到嘔，呃埋咁多錢都唔會回饋演藝界，唔知係咪報應，佢個大胃女就撈極唔紅，大屎筒四圍硬銷個女都冇人吼，搞到大胃女心理好唔平衡，咪晚晚蒲卡拉OK，做咪后過歌星癮。不過大胃女嘅生活亦好唔健康，關仁聽聞佢經常飲到貓晒，瞓醒之後已經唔知去咗邊個男人嘅屋企過夜，男女關係混亂非常，真係冤孽！