食環處：MK新食力女人街嗒女人味

提起女人街，大部份人只會聯想到是A貨的集中地，好少人會聯想到食。不過近幾年不少地舖都開始轉型，成為不少食肆的集中地，而且變化速度極快，幾個月之後又是幾番新。而近幾個月又有新食肆進駐，有中日法不同菜式選擇，一於洗脫女人街一向粗豪的形象！當中有最講優雅的法國菜、用雪糕杯裝住嘅精緻壽司飯、還有點題的淑女餅，連食店都是女人天下！

記者：曾靜茵　
攝影：何家亮　
模特兒：Blanche、Pian@Salvador

是妹仔惹的禍，主人婆通菜街還不及女人街響朵！諢號起源於街檔所售賣的物品多以女性為主，如衣服、首飾、手袋、內衣等。女人街長約1公里，分成4段，全條街均以街檔為主，多以鐵及尼龍布搭成，每天約由中午12時開檔營業至晚上11時左右。近幾年，女人街除以街檔為主外，兩旁的地舖亦開始轉型，進駐不少新的食肆，尤其接近家樂商場的地段，更是食店的集中地。

一直都是人氣長龍店的板前壽司，繼尖沙嘴及銅鑼灣開店後，上個月底再進駐旺角，無論午巿或晚巿都長龍依然。今次旺角店的裝修以啡黑色為主，以MK身段竟比其他分店更高格調及時代感。說回材料，九成來自日本，更直接由日本空運抵港，所以連外間很少吃到的生鮑魚仔，在這裏也可以品嚐得到。另外店內亦有日籍師傅駐場，所賣的壽司非常精緻，如壽司飯特以雪糕杯來盛載，賣相細細杯，每一口亦細細羹，啱晒女人脾胃。

01板前壽司
地址：旺角豉油街44-58號地下8及10號舖
電話：27711895
營業時間：11:30am-1:30am
座位：60個

親子壽司飯$25
平日食開的壽司飯都係大大碗，不過這裏的壽司飯就的的骰骰，食完一碗仲可以試其他新竹刺身，啱晒香港的女士。

海老箱押$15/2件
連普通的海老壽司也特別精心炮製，中間加入蛋和紫菜，面層還加有沙律醬，口感豐富。

櫻肉壽司$35/件
熊本櫻肉即馬肉，喺香港唔係間間日本餐廳都有得食，而櫻肉本身在日本是專門飼養來食用的，故肉質特別鮮嫩，加上製作時還在面層加上一片馬的脂肪，唔止賣相吸引，食落口仲令你回味無窮。

活鮑魚仔壽司$35/件（前）、池魚王壽司$35/件
店內的材料大部份都由日本直接空運抵港，當中的鮑魚仔上枱時還會動；另外在港較少見的池魚王亦可以吃到，刺身的種類確比一般店舖多。

良：板前嘅材料好新鮮，最鍾意食帆立貝壽司，咬落好新鮮，好好味。

Mandy：平日都唔多行女人街，因為人較多，不過有新食店開，所以間唔中都會嚟食吓嘢。

全條街唯一一間法國菜館DAISY，全店以純白色設計，配以水晶燈顯得格外優雅，步進餐廳後，你會有種份外舒適感覺，正與外間的喧鬧形成強烈對比。而餐廳大廚出身自酒店，味道有水準之餘，賣相亦非常精緻，每道菜亦經過精心表達，一層又一層，保持法國菜獨特的美感。另外這裏的甜品亦深得客人歡心，推介的有朱古力布甸蛋糕及巴菲，讓人一再回味，而且價錢平民化，與三五知己來開餐，絕對超值亦不失禮。