「呢副太陽眼鏡最特別係框邊有隻小蝴蝶，除咗上下郁之外，仲可以加閃石喺蝴蝶度。我去到連卡佛一眼睇到就好鍾意，不過又覺得好貴。跟住一個禮拜後，我就約咗個朋友陪我去睇畀意見，點知個朋友都話好好睇，所以我就即刻畀錢。」
Theresa腰帶點睛
「紅白色係呢季最hit嘅顏色，我着呢件鬆身上衫原本好簡單，不過加咗條腰帶之後即刻會有唔同嘅效果，所以着衫有時都要留意吓啲配件，襯得好嘅話可以有畫龍點睛嘅效果。至於鞋方面，呢個夏天一定唔少得Platform鞋，色彩繽紛都冇問題，更加配合到夏日氣氛。」
Miki露得企理
「嚟緊夏天一定唔少得白色同埋吊帶款嘅衫，我都好鍾意着吊帶衫，但露出俾人見嘅地方多啲，當然要搽多啲保濕產品，Platform鞋係今季必然嘅選擇，因為可以好易襯到唔同衣着，襯牛仔褲都好睇，我揀咗對四吋高踭鞋，如果鞋款係露腳趾嘅話，記得腳趾要企理，否則就大殺風景！」
Rosanne潮襯波衫
「呢一身打扮係想話畀人聽，着波衫唔一定係要着波鞋，係可以襯到好fashion，我咁樣襯可能會帶出一個潮流，再加上今年係世界盃年，一定會hit，女仔都可以響應世界盃，所以世界盃都可以玩fashion。」
採訪、攝影：馬建華、駱華齡、楊潔雯、卓美娟、仇志德
