許冠文愛女許思行下嫁拍拖兩年的男友、怡邦行控股家族成員謝新偉的長子謝漢傑，昨日在洲際酒店舉行婚宴，許冠英、劉天蘭和林建明均有到賀。
流不捨淚
當新郎新娘與雙方父母合照時，有人大嗌新人互咀，令二人很尷尬，許冠文即解圍說：「要錫吖嘛？」然後親吻愛女。
許冠文說：「我嫁女抑鬱，唔該你哋幫我揀張相冇咁生硬嘅。」他又謂前一晚經過女兒房門時，因不捨得而流淚，他又說：「係男人都會曳，人哋嫁個女畀我就OK，自己個女嫁就唔開心囉。有次佢哋探我班，古仔（古天樂）話我中咗六合彩，話𠵱家冇男仔肯着情侶裝同幫女友攞手袋，我中咗六合彩都唔知，佢會幫我攞公事包。」許冠文謂送了棟篤笑影碟給一對新人。
採訪：馬建華 攝影：仇志德