禮拜六，冇節目？做運動都唔錯，胡杏兒噚日喺會展出席保栢健康護理日2006，劉綽琪（圖右）都有去，現場有條好長嘅石春路，排咗成六、七行咁長，大會話想試吓做條室內最長嘅石春路，整個世界紀錄喎，胡杏兒落去試踩，起初都好輕鬆，企得耐就開始痛到鬼殺咁嘈。胡杏兒話佢呢輪飛來飛去拍劇，冇時間做運動。