李珊珊（右）身材勁就係人都知，所以唔明點解佢仲咁顧忌。李珊珊前晚同男友錢嘉樂（左）拍拖出席仁濟ball，佢着件天藍色低胸晚裝裙，幾高貴大方，但就無端端加件白色皮褸，又戴大條頸鏈遮遮掩掩，條鏈仲走位攝埋入胸口，搞到格格不入咁。李珊珊仲死撐話：「今晚翻風，我又趕住出門口，咪求其拎件褸着囉。其實我都係低調啲好，又唔係做主席夫人！」好嘢先多人望，李珊珊諗嘢應該開放啲嘛！