在電影《黑社會》中，任達華扮演的阿樂終如願以償穩坐黑幫話事人的位置，在續集《黑社會以和為貴》中，阿樂為了連任話事人，更兇狠地鏟除異己。
任達華形容阿樂這個角色，其實不單止出現在社團之中，不論金融界或政界都有同類型的人物，他說：「商界政界嘅人為咗利益，咪一樣成日笑笑口𠱁人落叠，我相信每個人都係為自己利益為私慾，我嘅角色都係將人性嘅真實面表達出嚟。」
「心理唔平衡」
哪任達華怎樣去演繹阿樂一角？「大家都認為《以和為貴》係續集，對我嚟講都係演繹番同一個角色，只不過呢個人物上咗位之後，佢嘅野心愈嚟愈大，貪慾都愈見外露，為咗發揮得淋漓盡致，我盡量用眼神去交代，因為往往笑笑口去拮人一刀，永遠比兇神惡煞嘅層次高好多，而且太露嘅演技就係輸晒。」任達華指《以和為貴》拍了接近年半，在這段期間，他要培養情緒演阿樂，一個跟自己性格截然不同的角色，他說：「真係好難，我呢年半一埋位就要保持呢個心態，有時心理好唔平衡。」
