日本萬事得車廠（Mazda）呢幾年真係積極咗好多，例如有MZR引擎的Mazda5，以及配用全新5前速+/-半自動波的Mazda6等等，原來響下星期舉行嘅紐約車展中，又會有新車展出，咪係CX-9囉！
2007年在北美市場正式推出的CX-9，主要針對我呢類年輕人兼有家室的兩口子家庭使用（之但係我仲叫年輕咩？又未結婚喎！）希望他們可以趁有空閒時間，走到郊外Relax一下咁喎！至於部車個Look，驟眼望落去跟先前的CX-7有點相似，還帶點同廠RX-8跑車那種SportyStyle㖭！之但係個車廂係點，到家陣都仲係未知之數，只知道係個七人車廂，引擎則是一台3.5公升V6偈，再搭個6前速自動波箱，咁你仲使擔心佢嘅性能表現？
記者：鄭達基