高層食價經紀叫屈

高層食價經紀叫屈

本報自從開咗個樓市特攻隊專欄,經常收到唔少來信,投訴業界敗類劣行,近日有單嚟自經紀嘅投訴,事發地點係沙田第一城某大行,話說其區域經理涉嫌用自己名義,買入第一城某單位,110萬元,之後以120.88萬摸出。
根據投訴人嘅講法,喺區經買入該單位前,佢已傾掂咗個客,肯用124.8萬元承接,但係個區經唔准佢開單之餘,仲教唆其他經紀呃個業主,話冇人肯接貨,最終畀佢執平貨,摸一轉賺成11萬。
呢單好明顯係經紀食價案件,對業主最唔公平,少收十幾萬。但由於單投訴冇聯絡人,蘭西喺度公開呼籲,請呢位苦主同我哋聯絡,抽出呢個業界敗類,一切保密,唔使驚秋後算賬喎。