煲呔噚日又微服出巡，無錯，係「又」，事關佢要做政治家，梗係要多做呢亭親民公關工作。噚日佢就去到社會福利署，同社署詐騙調查隊會面，了解社署向市民提供嘅綜援服務係點，又話明白前綫員工有一定壓力，希望社會經濟改善下，領綜援嘅人少咗，令佢哋工作壓力得以大減。唔講唔知，香港呃綜援嘅個案唔算多，只有一個百分點，英國有成百分之五。
視察完社署，煲呔繼續去到第二站，就係長沙灣綜合家庭服務中心。佢一見到喺中心入面玩緊嘅小朋友，仲不惜紆尊降貴，坐喺地下同啲小朋友傾偈講笑，啲小朋友都畀佢𠱁到好開心，真係唔怪得佢連民建聯都搞得掂。
政府新聞處圖片
傳真︰2623-9278
電郵︰[email protected]