對於本地普羅小股東嚟講，出席股東大會的高潮，唔係向管理層提出關於公司發展嘅尖銳性問題（滙控可能係例外），而係有乜點心食，呢點都可算係香港一大特色。寶哥哥間東亞銀行通常係本地最早公布業績同埋舉行股東會嘅藍籌股，因此佢哋對小股東啲會後飲食安排，往往成為其他藍籌股借鏡對象。
唔知係咪舊年啲業績好景，今年寶哥哥對小股東都幾鬆手，每名股東除獲發一份餐盒，內有兩塊朱古力曲奇、三文治、腐皮卷、一件果撻外，每人仲有一張奇華禮餅券，現場所見小股東都非常滿意咁款。
講開股東會，李國寶阿叔、曾參加首屆特首選舉嘅前大法官李福善，昨日正式退任東亞董事，為了鳴謝其貢獻，東亞打造了一座包金的東亞大廈模型送畀佢作紀念。
傳真︰2623-9278
電郵︰[email protected]