回想好幾年前，自己都算是個金像獎的忠實觀眾，每年緊張程度絕不遜於一眾提名演員和導演，那天盡量不要出街，不能避免要出的話都一定錄起之後再看，總之是不能錯過的。今晚又是一年一度的香港電影金像獎頒獎典禮，自己的緊張程度不再依舊，甚至乎有部份電影都未睇過；走上街做這個街訪調查，才知道冷淡了的不只我一個，「我唔睇港產片，畀唔到意見喎。」是在街上聽得最多的答案，等了很久才有以下的幾位仁兄仁姐理我，他們的「最佳」唔知同今晚賽果相差幾遠呢？
記者、攝影：黃藹瑩
今年是第二十五屆香港電影金像獎頒獎典禮，話晒都係銀禧的盛事，但角逐四個主要大獎「最佳電影」、「最佳導演」、「最佳男主角」和「最佳女主角」的電影和提名人選組合都好似畀唔出一種白熱化的感覺，唔怪之得做訪問的時候個個都問小記有咩人可揀，而反應是：「呢套唔知係咩喎……」、「冇睇過喎，唔知……」，唔緊要，各位唔使咁認真，這個純粹街訪不代表甚麼，更加不會左右到今晚的賽果，想揀邊個就邊個啦！
今屆提名名單
「最佳電影」
1.《七劍》
2.《如果．愛》
3.《神話》
4.《黑社會》
5.《頭文字D》
「最住導演」
1.徐克 《七劍》
2.陳可辛 《如果．愛》
3.爾冬陞 《早熟》
4.杜琪峯 《黑社會》
5.劉偉強、麥兆輝 《頭文字D》
「最佳男主角」
1.郭富城 《三岔口》
2.梁家輝 《長恨歌》
3.劉德華 《童夢奇緣》
4.任達華 《黑社會》
5.梁家輝 《黑社會》
「最佳女主角」
1.周迅 《如果．愛》
2.林嘉欣 《怪物》
3.鄭秀文 《長恨歌》
4.張艾嘉 《海南雞飯》
5.莫文蔚 《童夢奇緣》
街坊嚴選結果
（左）Eva心水：
「最佳導演」：杜琪峯（話題電影導演嘛）
「最佳電影」：《黑社會》（好睇）
「最佳男主角」：劉德華（套戲我睇到喊）
「最佳女主角」：林嘉欣（佢夠靚女）
（右）Gary心水：
「最佳導演」：杜琪峯（話題電影導演嘛）
「最佳電影」：《頭文字D》（有娛樂性）
「最佳男主角」：劉德華（好感動，佢做得好）
「最佳女主角」：林嘉欣（夠靚女就得啦）
（左）Candy心水：
「最佳導演」：陳可辛（有大製作就會得）
「最佳電影」：《如果．愛》（因為少呢類戲）
「最佳男主角」：劉德華（套戲好感動）
「最佳女主角」：林嘉欣（唔係怪物，係靚女）
（右）林先生心水：
「最佳導演」：陳可辛（佢個樣似得）
「最佳電影」：《如果．愛》（叫幾好睇，其他都冇睇過）
「最佳男主角」：劉德華（重有邊個勁過佢呀？）
「最佳女主角」：林嘉欣（雖然我未睇過套戲，不過佢夠靚女）
（左）Koji
「最佳導演」：杜琪峯（佢最近好似幾紅）
「最佳電影」：《如果．愛》（我自己好鍾意睇）
「最佳男主角」：梁嘉輝（要長恨歌喎。）
「最佳女主角」：周迅（個人喜好）
（右）Phoebe
「最佳導演」：徐克（我覺得《七劍》好好睇。）
「最佳電影」：《如果．愛》（我覺得一定唔係其他）
「最佳男主角」：劉德華（套戲我睇到喊，好感動。）
「最佳女主角」：莫文蔚（一樣係套戲夠感動，所以我揀佢）
阿Ru
「最佳導演」：陳可辛（佢女友咁大力吹捧嘛）
「最佳電影」：《如果．愛》（我睇咗呢套咋）
「最佳男主角」：劉德華（總之唔係郭富城就得）
「最佳女主角」：周迅（佢好有女人味）
羅生
「最佳導演」：陳可辛（其實《如果．愛》的感覺幾新鮮，導演應該有獎）
「最佳電影」：《如果．愛》（好睇過黑社會）
「最佳男主角」：梁家輝（兩個提名中的機會應該大）
「最佳女主角」：林嘉欣（個人喜好，冇辦法）
炳炳
「最佳導演」：陳可辛（我覺得係輪到佢）
「最佳電影」：《頭文字D》（分豬肉嘛）
「最佳男主角」：劉德華（今年輪到佢喇啩）
「最佳女主角」：林嘉欣（唔知，我鍾意佢）
Pinky
「最佳導演」：陳可辛（香港難得拍歌舞片，人人都buy）
「最佳電影」：《如果．愛》（雖然比唔上荷李活，但已是一大步了）
「最佳男主角」：劉德華（我只係最唔想郭富城得到）
「最佳女主角」：周迅（原來佢唱歌都幾好聽）
