鄭中基在電影《至尊無賴》中為藝術犧牲，全裸演出兼露股，不過前面的重要部位則打格仔，他坦言拍攝前做足護陰措施，但其瘦削身形慘被同片兩位女主角Miki及Theresa取笑，Theresa更笑言睇完鄭中基的全相後生眼瘡。
電影《至尊無賴》前晚在觀塘舉行首映禮，片中演員鄭中基、Miki、Theresa及林子聰都有出席。鄭中基在該片中一人分飾兩角，包括茶餐廳夥計及黑幫頭目，片中有一場戲是描述飾演夥計的他前往桑拿浴室找同樣由他扮演的黑幫頭目，當時黑幫頭目正全裸在桑拿房享受蒸氣浴，鏡頭所見鄭中基背部全裸，露出雪白美臀，而前面的重要部位則打上格仔。
牛皮膠黐到痛
鄭中基在首映禮上亦有向傳媒提及該場全裸戲，他說：「我自己都想快啲入去睇，因為我配音嗰陣未加特別效果嘅。」問他拍全裸戲可有掙扎？他笑說：「冇掙扎，亦冇信心，不過自己做好預防措施，有護陰，用牛皮膠紙貼好重要部位。」
鄭中基續說：「拍嗰陣我都有要求清場，只得攝影師留喺現場，當拍完之後搣牛皮膠紙嗰時都覺得有啲痛，點知搣完後，導演話有一個鏡頭漏拍，要重新嚟過，真係好慘。」
雙腳似反光板
記得梁家輝早年亦曾於電影《情人》中露股，鄭中基表示對方的股較自己的漂亮，至於有傳他手臂上刻有他和女友蔡卓妍愛的紋身，問他在戲中可有展示出來，他表示：「我冇愛的紋身，背脊就有紋身，之前幅紋身係有個山，𠵱家我將佢延長，有山、有水同有樹。」那麼可有沙沙石石？鄭中基笑道：「冇沙沙石石，冇女主角。」
至於問Miki及Theresa有否欣賞過鄭中基的美臀，Theresa說：「我配音時睇過冇打格仔嘅版本，不過睇完後隻眼生瘡，成個禮拜都唔好。」而她們兩人更取笑鄭中基的身材，說：「佢條腰唔知係咪得二十二吋，佢隻腳應該幼過我哋同白過我哋，好似反光板咁。」
採訪：卓美娟 攝影：林德雄
