身為車主，相信最怕新聞報道，原因係又有油公司話調升汽油售價嘅消息。早兩日跟有車的朋友在茶餐廳食晚飯，新聞女主播面帶笑容話畀所有人知：「由午夜起，XX油公司將汽油售價調升，全部加$0.2……」全場人聽罷後只有一個反應，就係大叫有無搞錯！再係咁加落去遲早加到$14，嗰時我真係寧願搭巴士返工好過！每次三大油公司其中一家話加價，其餘兩間最遲會在第三日的凌晨加價，理由永遠只得一個：「由於汽油及柴油入口價格不斷上升，所以我哋有必要去加價！」動作真係快到你唔信，但係到全世界油價下跌嗰陣呢，又唔見佢哋咁快有行動去減價喎！永遠都係加三次減一次，問你死未？
記者：鄭達基