701收料站:中國稀土強者現身

701收料站:中國稀土強者現身

雖然小初睇淡國美電器(493)在大股東配股後的表現,但就真係諗唔到昨日居然跌得咁慘烈,跌穿8.90元配股價唔在講,最低更見過8元,收8.15元,大跌16.41%,今年以來,小初真係未見過有股份配完股後嘅表現咁肉酸。
批股其實唔一定係壞事,批完股之後股價亦唔一定會跌,好似中國稀土(769)早前咪一樣配股集資,但股價愈升愈有。
經紀黃話,中國稀土上次批股,悉數由芬佬認頭,之後佢哋繼續在市場買貨,近排多個大隻佬因揸夠5%須上報而曝光,解開咗隻股批完股唔跌之謎。
中國稀土在3月底,以1.38元配股集資2.64億元,之後有對沖基金Winnington披露揸咗8%,最新就有富達公布揸咗5%樓上。

稍後可以炒業績

中國稀土昨日升8.19%,收1.85元,股價又創52周新高,成交股數4501萬股,金額8113萬元。隻股本月20日公布全年業績,隨時會成為炒賣藉口。
慕容小初