揀西九成員分明玩針對 - 李八方

  揀西九成員分明玩針對 - 李八方

政府公布咗西九諮詢委員會名單,表面睇,真係皆大歡喜,事關文化演藝界都幾乎個個捧住個位。咁樣做,其實無可厚非,事關佢哋都係行內優秀人才,應該都可以提供到好多真知灼見。
之不過,心水清嘅人就會發現,點解除咗以行會成員身份入去嘅周太之外,立法會西九小組所有成員一個都無份?佢哋假假哋都為西九呢個問題跟進咗成年,論經驗同資料都夠班入去啦,偏偏呢,真係全部被拒諸門外。
聽聞有人都好唔like,仲覺得煲呔(或者肥龍都好啦!),分明就係玩針對啦,因為西九小組提交嘅報告,完全同政府唱反調,又要求推倒重來,你落我面喎,咁又點可以再擺番呢啲人入去吖,所以咪個個都無份。反而成日喺星光熠熠場合露面,但就比較少喺立法會亮相嘅石哥就有份喇,相信都係同佢嘅演藝緣份有關喇!

傳真︰2623-9278
電郵︰pf_lee@appledaily.com