每當幻想自己打開鷗翼式車門踏出門檻的一剎那，係幾咁有型有款呢！之但係現實世界中，擁有Gull-wing的車款並不多，兼且大多是數一數二的SuperCar型號，直至近年，坊間才開始出現有鷗翼式車門的改裝件，對應的車款仲可算係琳瑯滿目，惟充斥市場上的產品良莠不齊，規格又安全的話，特地找來改裝專家同大家講吓。
有品質檢定及測試
HilltopMotors負責人Albert同我講，呢類鷗翼式車門，可對應不少歐、日車款，只要配上合適的型號，拆換約一個工作天左右；正如眼前呢部平治CL500咁，原來一啲都唔複雜，主要部件係經過強化的全新門鉸同新增的油壓臂，以支撐一雙鷗翼式車門的上落開關，而呢套來自德國名牌LSD製造元件，仲得到本土嚴格的TUV品質同撞擊安全測試認可，就算遇上交通意外都唔會咁易撞甩門㗎！
唔使下下要向上推
呢部平治CL500身上的鷗翼車門，仲以為有番咁上下重量，但實情卻恰好相反，道門可以好似原來咁向外推開，方便乘客在低矮的停車場出入，唔使下下都要向上推開咁麻煩。唔怪得之近排響本地改裝界咁受歡迎，不時在街上重偶然會碰到裝有Gull-wing的林林總總的「鷗翼」車喇！
記者、攝影：陳偉林車輛提供：HilltopMotors（29790002）
售價：$16,000起（零件及裝工）