吳彥祖名模女友LisaS.前晚出席時裝活動時，被問到其男友為拍電影，設圈套偷錄與報章記者對話，出賣記者一事，LisaS.力撐只是一套電影，毋須太認真，只要任何令到男友開心的事她都會支持，LisaS.果然愛得麻木兼盲目。
名模LisaS.與樂基兒、陳嘉容等前晚在中環ifc出席時裝滙演，示範連卡佛、Loewe、Kenzo及ValentinoRed等品牌。提到男友吳彥祖（Daniel）執導的電影《四大天王》，LisaS.以英語說：「該電影很好笑。」
吳彥祖於電影中設圈套偷錄與記者對話一事，有出賣記者之嫌，LisaS.即力撐男友說：「只是一套戲，不需要太認真，記者都經常出賣藝人，我又不是導演，你們問Daniel啦，我看完那部電影，笑到喊。」
以男友為中心
問LisaS.是否認同男友的拍攝手法？她說：「任何令Daniel開心的事，我都會支持。」LisaS.又呼籲記者要冷靜，不要太認真去處理這件事，她果然愛得麻木兼盲目。
身為LisaS.好友的陳嘉容亦表示看過該片，談到吳彥祖偷錄與記者對話一事，她說：「應該冇咁過份，如果真係，就唔尊重傳媒。狗仔隊都係職業一種，都係搵飯食，大家都係出嚟做嘢，好傾咪傾多幾句，自己行得正，都唔使驚狗仔隊。」
樂基兒晒玉背
此外，樂基兒昨晚示範ValentinoRed露背上衣，十分性感，她對此說：「都冇乜所謂，人哋畀乜嘢衫我咪着，我信得過大會，可能之前天氣凍，見我着得多衫，𠵱家就要行山keepfit。」
採訪：JessicaNgan
攝影：RickyChan
