IknowwhatyoudidlastBasel

呢個三、四月真係驛馬星動，去完三藩市睇利維士總壇再去瑞士巴塞爾睇錶，氣都未唞定立即要開工，點計點度都消化唔切，好在喺Basel排得密麻麻的Schedule以外，仲有Breitling搞番個玩得癲跳得放嘅派對可以畀行家同自己輕鬆一番，之但係點解條題咁故弄玄虛？皆因未去過Breitling每年一度於Basel錶展期間搞嘅派對，係完全唔會知呢個錶壇「固執王」係可以玩得咁激嘅，舊年玩挾持嘉賓做人質都未算癲，今年仲將各大Thriller經典炒埋一碟，喺一條仲未起好嘅行車隧道搞派對，先來個《冰人四萬年》防毒面具怪人做熱身，後有《第五元素》Fetish艷女玩火把贈興，晚餐係以輸血袋裝載的血湯加就咁喺塊冰上切生勾勾大塊肉，睇見你敢唔敢食？我就食晒返嚟都無穿無爛，好在。你話嘞，咁好玩嘅Party去邊度搵？多謝你帶給我一個愉快的晚上，Breitling，下年見。