立法會資訊科技及廣播事務委員會兩男一女，「嬲」字訪問團將於下禮拜出發去加拿大同英國考察當地公共廣播機構，兩男一女分別係民主黨單仲偕、「煲呔針」大班同劉慧卿，單仲偕同大班交情一般，行程期間隨時嗌交，卿姐亦非善男信女，八方希望呢個唔係名副其實「嬲」字團。
大班咁神心去考察，一來佢係名嘴，點都要昅實廣播政策，二來佢曾經係加拿大人，呢次算係順道返鄉下。
訪問團去完加拿大，第二站係倫敦，重點當然係參觀BBC，唔少人都話港台應效法BBC公司化，講就講得多嘞，議員點都要親自去見識吓先得嘅，以英國為家鄉嘅吳靄儀，對此好有興趣，因此會喺倫敦join埋訪問團，訪問團由「嬲」字變成兩個「好」字。
傳真︰2623-9278
電郵︰[email protected]