陳豪和黎姿日前到大牌檔拍攝無綫新劇《通天幹探》，甚少到大牌檔的黎姿被嚇得膽戰心驚，事緣在埋位前，一名手持酒樽的男子分別以「都幾×靚喎！」及「真人都好×Man喎！」去讚美黎姿和陳豪，拍攝時黎姿又被老鼠嚇親。
黎姿（GiGi）及陳豪日前到荔枝角大牌檔拍攝無綫新劇《通天幹探》，劇情講述陳豪帶GiGi品嚐地道小炒，甚少到大牌檔用膳的GiGi到達後，發現其他食客舉止頗為粗魯時已有點吃驚，然而最令她驚慌的，莫過於一名手持酒樽的途人，以粗言穢語讚美她。
最驚老鼠
事緣在埋位前，有途人要求與GiGi及陳豪合照，其後有一名手持啤酒樽的男子路過，甫見黎姿便讚歎說：「都幾×靚喎！」又對GiGi身邊的陳豪說：「真人都好×Man喎！」陳豪及GiGi頓時不知所措。該名男子雖然用詞粗俗，但亦禮貌地向二人報以微笑。到正式拍攝時，有工作人員高呼有老鼠經過，嚇得GiGi花容失色，她說：「喺邊呀，喺邊呀？我最驚老鼠㗎！」
歎有口福
事後問GiGi可有介意被人以粗鄙方式稱讚？GiGi說：「唔介意！仲好多謝佢咁欣賞我，佢都係善意嘅，只係比較率直咁去表達，不過真係好少聽到有人咁樣讚！」陳豪同樣顯得十分開心，他說：「佢都有讚我，咁佢都係善意嘅。」陳豪又稱很愛光顧大牌檔，他說：「因為我本身好鍾意煮嘢食，我知鑊氣係好緊要，今次都算有口福嘞。」
採訪、攝影：王崇穎
