講到經典電影對白，你同我心目中都可能有好大分別，我摯愛就係《大內密探凌凌發》入面劉以達所講嘅一句：「大夫……我係唔係有咗呀？」今屆香港國際電影節就搞咗個「全城投票經典電影對白穿上身」活動，聯同GIORDANO在港產片同外語片中揀選9套經典電影對白印上Tee。今個星期起已全城有售，不過獲選嘅似乎唔多啱心水喎！
記者：羅灝汶
攝影：陳盛臣
Model：Phyllis&PC@Salvador
九句對白即印Tee
4月4日開鑼的香港國際電影節已經舉行到第30屆，宣傳可謂鋪天蓋地，其中一項特別企劃就係由觀眾投票選出經典電影對白，然後印上Tee畀你着上身。筆者摯愛的星爺系列金句就有三套入選30大，分別是《西遊記之仙履奇緣》、《食神》及《少林足球》。不過主辦單位絞盡腦汁嚴選出的30句金句，一來要求簡潔、二來要用詞正面、三來要包含寓意，所以大部份用詞較粗俗、無意思的電影金句最終被剔除。所以小記最愛的《大內密探凌凌發》金句，亦因此規條30大不入。
連日來收集完各大報刊雜誌讀者嘅意見後，投票剛於上周末截止，大會選出票數最高的9句對白印製成主題Tee，已於GIORDANO各分店陸續推出。每款分有大、中、小三個尺碼，設有多色，每件盛惠$80。
《阿甘正傳》（ForrestGump）
《甜心先生》（JerryMaguire）
《的士司機》（TaxiDriver）
《阿飛正傳》
《監獄風雲》
《鬼眼》（TheSixthSense）
《嚦咕嚦咕新年財》
《亂世佳人》（GonewiththeWind）
《無間道》金句最賣得
今次網上投票率高達9,000人，反應踴躍。整個投票過程中，頭3位最高票數的依次為《無間道》、《亂世佳人》及《嚦咕嚦咕新年財》。而記者走訪多間佐記分店，亦暫時以《無間道》的金句Tee率先跑出，成為全線最熱賣Item。
雖然結果已塵埃落定，仍有市民指出今次投票的選擇不多，純粹為配合第30屆香港國際電影節就選出30金句予以公眾投票，非常有限制。有見及此，主辦單位聲稱將陸續推出其他經典金句Tee，從30句被投票但不被獲選的金句中再作揀選。咦？入選嘅又唔啱Feel，唔入選又能夠印上Tee，整個投票好似無乜意義喎？當中更出現爆笑事件，獲選的《阿飛正傳》金句「一九六○年四月十五日下午三點鐘，你做緊D乜？」出錯，正確應為「一九六○年四月十六號下午三點前嘅呢一分鐘，你同我喺埋一齊，因為你我會記得呢一分鐘。」連時間都錯埋，搞到印好的Tee須停售及回收，認真兒戲！
民間直選：
李小姐：「有咩理由選唔到《無間道》嘅『一將功成萬骨枯！』，我最鍾意就係曾志偉。」
Anthony：「我自己好鍾意李小龍：『中國人唔係東亞病夫！』，又簡單、又易記，絕對係中國人代表。」
Winnie：「我揀『Iseedeadpeople.』，不過選擇太少，應該每年選10句經典對白，再分本地及外國組投票就最理想。」
Phyllis：「『三年啦！三年之後又三年』真係實至名歸，不過我就鍾意《百分百感覺》鄭秀文成日講嗰句『好邪呀！』。」
PC：「我揀《阿甘正傳》呢件，因為印得靚而唔係對白吸引我，我自己就鍾意Mark哥嗰句：『唔好搵支槍指住我個頭！』。」
電影金句網址
其實坊間都有唔少影迷將自己心水的經典電影金句放上網，而且種類繁多，無論出處等等都有詳細解釋。以下網址，除咗有經典電影金句外，亦有經典動漫金句、經典電視劇、廣告等等金句，當中可以幫你勾起不少童年回憶呢！
網址： http://princessdiane.com/oldies/tv-movie.html
