向海嵐（右）噚日擔任新城節目嘉賓主持，邀請咗前港姐翁嘉穗（左）接受訪問，翁嘉穗話準備隨時生多個BB，佢話：「我個仔成日同我講好想要個妹妹同細佬，咁我都隨時ready再生。」 原來翁嘉穗同向海嵐中學時已經認識，向海嵐話：「我哋喺溫哥華讀同一間中學，之後大學又係入埋同一間，不過翁嘉穗返港選港姐時，我哋就失去聯絡，直至佢加入慧妍雅集，大家先至相遇番。」