影評人阿童牧
「杜琪峯拍攝嘅《黑社會》整體性比《如果．愛》好，呢部戲故事複雜，但杜琪峯交代得條理分明，將黑幫片帶去不同層次，可以睇得出佢嘅導演功力，所以我睇好呢部戲會攞晒導演同電影兩個大獎。」
編劇鍾繼昌
「《黑社會》拍得平易近人，容易睇得明，戲中每個演員都表現出色，導演冇浪費過任何一位演員，呢點係好考導演功力，而影片處理層次分明，剪接譚家明應記一功，呢部戲整體都較其他對手強，係實至名歸。」
陳果
「《如果．愛》係新式香港電影，講得俗啲係夠膽識，以往冇見過有導演敢拍呢一類型嘅歌舞片，佢拍嘅歌舞場面效果好好。至於導演獎，杜琪峯同陳可辛喺《黑社會》同《如果．愛》嘅創作上面有好大突破。」