林嘉欣早前應邀到倫敦為有線拍攝旅遊特輯《活得很滋味》，並在皇室人員御用的首飾店內拍攝，其間嘉欣更買下了她人生第一隻鑽石戒指，嘉欣說：「我本身比較少買一啲名貴嘅珠寶首飾，因為自己個樣好女仔，再配合呢啲名貴珠寶就好lady，不過今次去呢間皇室御用嘅首飾店拍嘢，睇中咗一款比較中性、指環略粗嘅鑽戒，當時因為趕住拍嘢冇買到，但係當晚發夢就夢見隻戒指，所以我第二日都走返去首飾店，買咗我人生第一粒鑽石。」
感覺淒美
除了買下這隻價值二萬多元的鑽石戒指，嘉欣更在旅遊特輯中以一身馬服造型出現，她說：「雖然之前拍戲騎過一次馬，不過今次喺倫敦騎就另有一番風味，因為當日嘅天氣好凍又落住毛毛雪，所以感覺都幾淒美。」
撰文：羅慧敏