梁家輝與鄭秀文分別憑《長恨歌》獲提名今屆金像獎最佳男女主角，梁家輝一直被視為影帝大熱，雖然明晚他要為舞台劇演出而缺席頒獎禮，但主席文雋卻大張旗鼓為他安排微波傳送直擊，而鄭秀文繼缺席金像獎場刊拍攝後，昨日文雋亦證實她以私人理由缺席明晚的頒獎禮。
第二十五屆香港電影金像獎頒獎禮將於明晚舉行，對於這個影壇盛事，各界均對得獎人選議論紛紛，其中早已缺席場刊拍攝的鄭秀文，未知是否受到情緒病的困擾，昨日經金像獎主席文雋證實，她因個人理由而缺席明晚的頒獎禮。
尊重杜琪峯決定
文雋昨日接受商台電話訪問，談及金像獎的籌備工作，當被問會否因鄭秀文缺席拍攝場刊而受到打擊時，他說：「其實都冇乜打擊，我係用平常心面對，例如杜琪峯導演包括埋今年，已經三年都……（註：杜琪峯過往三年均缺席該頒獎禮）事實上佢亦都好忙嘅，你睇吓佢啲作品一部接一部。佢第一事忙，第二你知佢藝術家嚟㗎嘛，獨行嘅行為應該畀我哋尊重，當然我會更尊重支持金像獎嘅人。」
而文雋更證實鄭秀文將缺席頒獎禮事，他說：「對於一啲有藝術家脾氣，譬如Sammi真係唔想做嘢，其實我哋請過郭啓華，甚至係林建岳都打過畀佢，佢都婉拒，話係個人理由，咁都尊重佢嘅。」當提到憑兩部電影角逐影帝的梁家輝，文雋直指家輝在行內口碑甚佳，雖然頒獎禮當晚家輝因演出舞台劇而未能出席，但大會已決定利用微波傳送到舞台劇後台進行直擊，那是否意味着家輝的勝算很高？
全智賢任頒獎嘉賓
文雋說：「其實我哋係唔知嘅，如果你講行內人嘅口碑呢，我不能否認佢嘅機會可能高啲，但係我哋用微波傳送，唔係因為佢機會高，而係我哋希望個節目現場氣氛好啲，如果家輝都願意，我哋使多少少錢，影佢喺舞台劇後台時嘅心情。」
此外，文雋還透露明晚的頒獎嘉賓除請來韓國女星全智賢、章子怡和侯孝賢外，大會還專誠從美國請來王小鳳、倪匡及蔡瀾等出席。
撰文：羅慧敏
