廖碧兒近日工作多籮籮，早前她為體育用品健康舞日擔任嘉賓，一招垂直一字馬大顯舞技，今次終於可以輕鬆一下，日前她拍廣告搵真銀時，只需坐定定扮靚靚，兼夾對住鏡頭大賣招牌四萬笑容，就可以過關。
廖碧兒最近繼徐子淇、劉心悠和吳彥祖後，成為護膚品牌Boots美白淡斑產品的代言人，她對於能加入這個大家庭，她感到十分高興，更認為自己充滿陽光的笑靨，可以大派用場。
「最靚係笑容」
廖碧兒日前在柴灣拍攝美白淡斑產品廣告，這次拍攝着重大特寫廖碧兒的粉臉，她說：「好彩我都好滿意自己個樣，我覺得最靚嘅係自己嘅笑容，所以用嚟拍美容廣告最啱。」
自加入娛樂圈後，因為經常捱更抵夜，睡眠不足，加上在水銀燈下工作，廖碧兒表示臉龐很易長出黑斑，她說：「加上香港嘅夏天天氣潮濕，防曬用品會好𣲷，一旦成日用會好易焗到出油。」
十足專家口吻
談到美容時一副專家口吻，原來多得媽咪，廖碧兒說：「因為媽咪生我，所以我都遺傳咗佢嘅因子，隨住年齡唔同，佢經歷過嘅問題，正好同我分享畀定啲經驗我。」廖碧兒拍完護膚品廣告，將獲廣告商免費贊助有關產品，可會惠及緋聞男友陳豪？她則說：「唔知，因為太多同事問我攞嚟用，我會同大家一齊分享。」
廖碧兒幾乎全身都有贊助，但她卻最恨可以做服裝代言人，她說：「做藝人花得最多錢係買衫扮靚，可以拍服裝廣告，贊助我多啲靚衫就好啦，可以慳唔少。」
採訪、攝影：比華利
