花𡃁can：阿Yan行性感靠飲奶撐胸

吳日言（Yan）形象百變，最初以紅色冬菇頭示人，後來駁成一頭長髮，上年底樂壇頒獎禮以低胸露背示人，ABathingApe香港專門店開幕又化濃妝出席，皆因佢話今夏要改變形象，行健康性感路線。同阿Yan拍過MV的馬國明，一攬就話有壓迫感。喂阿Yan，身形goodfittips唔可以收埋，有好嘢梗係要公開啦。

記者︰劉昱蘭
攝影︰伍慶泉、周旭文
Model︰Tania（Salvador）
Wardrobe︰I.T.

健胸反而縮胸

阿Yan身邊的好友、拍檔，不時都會攞佢個胸嚟開玩笑，原來阿Yan都幾受落︰「咁都係好事嚟嘅，點都好過俾人話營養不良啦。其實我就對全身的線條都唔係好滿意，所以最鍾意就係游水作全身運動，尤其係游多啲蛙式美胸。」
想再收靚胸部線條，阿Yan諗住做gym實夠針對性，點知就鬧出笑話。「我早排去做gym，見到部健胸機，心諗可以健胸，咁即係可以令個胸更圓更大，幾重都頂住做多幾下。點知做咗一排個胸反而好似細咗，再加埋啲朋友話畀我知健胸機係令胸肌結實，係豐胸的反效果，嚇到我即刻彈走。」

■同Soler拍MV時，阿Yan身上着的小背心即見真章。

木瓜奶升級

阿Yan明白身材總有幾分係天生的，後天運動加營養吸收一定有幫助。佢𠵱家各種鮮奶都會飲，中學時，爸爸仲喺佢發育時，陪佢一齊以形補形飲木瓜奶，總算見成效啦。

■阿Yan中學時的29吋「大電視」，都係靠爸爸的木瓜奶先有得跳級。

舉手舉腳收線條

阿Yan貴為大忙人，冇時間游水做運動，惟有在家中做簡單運動，護胸又收身，大家要學！

扭蛇腰
■下身唔郁，條腰左右扭，咁樣收腰穩陣過sit-up，唔怕用錯頸或肩力。

提手擴胸
■雙手輪流舉高向後拉，擴胸又可挺胸。

踢後腿
■屈起小腿直至感痠軟為止，可練小腿力量。

金雞腳
■保持收腹，用大腿力提起一邊腳，離地約45度，直至腳感痠軟，有助收大腿線條。

着衫晒身材

想晒身材，唔係下下貼身衫露肉咁cheap嘅，阿Yan就立即教幾道散手晒身材。

扣少粒鈕
■有鈕釦的one-piece裙就係bestchoice，有料之人扣少幾粒鈕，又型又有睇頭。

圖案要清簡
■唔好揀pattern多嘅tee，胸大會令到啲圖案拉大晒好肉酸，pattern要愈清簡愈好。

盤髻顯性感

身形好着衫靚，仲要配埋個靚樣靚頭至得，阿Yan除咗識設計衫外，set頭都好掂，即席教你整番個性感女神頭。

Finish
■耳仔同頸都係男仔覺得性感位置，所以唔好遮住佢。

點set？

■先將所有頭髮擯成一條辮子。

■然後將辮子盤成一個髻。

■加髮夾定型。

■留番辮尾夾向一旁。

要keep靚頭髮

「就算個頭set到幾靚，如果頭髮枯黃唔夠水咁，成個人即刻暗啞咗，着到幾潮都冇用。」阿Yan又講得啱，佢覺得天然嘅嘢就幾時都咁滋潤，生果味又sweet又有活力，所以佢最鍾意用生果味洗髮水護髮。

阿Yan推介
（左起）Rejoice鮮果順滑保濕洗髮露$35.9/400ml；Rejoice鮮果順滑防毛燥精華$35.9/400ml

自製楊桃護髮mask

「我好鍾意食楊桃同奇異果，因為楊桃多維他命B，可以幫頭髮生長得快啲，而奇異果含豐富維他命C，令頭髮新陳代謝好啲。」

■6茶匙楊桃汁加一茶匙水的份量，開出一杯純天然護髮素。

■塗勻頭髮後以熱毛巾包好，等5分鐘用水清洗即可。

點忙都要美白

扮靚冇理由唔講美白，阿Yan係人馬座，好鍾意玩戶外活動，加上入行後成日有外景，皮膚好易出雀斑。加上工作忙碌唔夠休息，黑眼圈同眼袋大到遮唔到。以前佢會用一隻蛋白加一茶匙橄欖油按摩皮膚5分鐘，可以去角質同濕潤肌膚。但𠵱家會用護膚品，解決色斑、暗黃同黑眼圈問題。

阿Yan推介
（左起）OLAY深層淨白修護素$189.9（30g）
淨白亮采精華$189.9（30ml）
瑩采精華眼霜$129.9（15g）

OLAY&Rejoice
查詢：25833583