黃聖依憑住周星馳嘅電影《功夫》竄紅，出道以嚟一直備受注目，除咗片約不斷，負面新聞亦多籮籮，先係同星爺嘅星輝解約官司，最近又傳出同內地演員楊子嘅緋聞，仲俾人影到好親密咁喺上海機場出現嘅相。身在西安嘅黃聖依早排接受內地傳媒訪問，佢話唔想多講緋聞，但就承認同楊子搭同一班機，對於兩人嘅關係，佢話唔排除走埋一齊嘅可能性喎！