容祖兒（Joey）、倫永亮和鄧健泓等前晚在將軍澳電視城錄影《勁歌金曲》，Joey更聯同著名小提琴家姚珏在台上演出，在小提琴伴奏下，Joey唱出陳百強的《有了你》及張國榮的《為你鍾情》。
Joey表示在下月舉行的「容祖兒．莫拉維亞交響樂團音樂會」時亦會獻唱該兩首作品，她說：「我仲會唱羅文嘅《卡門》，反而其他女歌手嘅歌就冇揀，因為唔想人哋比較。」
緣份冇得避
提到前英皇歌手何嘉莉早前閃電結婚，Joey說：「冇機會見佢，覺得緣份嘅嘢冇得避。」那麼她可會也閃電結婚？Joey笑道：「睇吓到時乜嘢年紀啦，如果人老珠黃，唔止閃電，直情雷暴結婚。」問到其公司可有限制不允許她結婚，Joey即解釋公司合約沒有明文規定不可結婚。
採訪：卓美娟
攝影：葉君海