今屆香港國際電影節前晚開幕，開幕電影之一《伊莎貝拉》同時舉行首映，除了首映稀客特首曾蔭權外，懷了八個月身孕的吳君如也到場，力證與杜汶澤友情未變。談到有指阿澤詛咒她，君如說：「我個人咁豁達」，似乎對傳聞絕不介意。
由梁洛施（Isabella）和杜汶澤主演的電影《伊莎貝拉》是第三十屆香港國際電影節的開幕電影之一，前晚該片在文化中心舉行首映禮，論排場和氣勢雖然不及另一部開幕電影《黑社會以和為貴》，但卻有特首曾蔭權低調捧場，未知是否怕題材敏感，故曾特首選擇不看《黑》片，而捧《伊》片場。不過前晚曾蔭權在首映儀式開始後才到場，且火速進入會場，行徑低調。
頻頻咬耳仔
除了一班演員外，腹大便便的吳君如、田蕊妮、谷祖琳和alive四子都有捧場，吳彥祖更與女友LisaS.十指緊扣，相當甜蜜。早前有傳杜汶澤跟吳君如不和，見前晚二人不時咬耳仔，狀甚老友，實行以行動打破傳言。懷有八個月身孕的君如獨自到場，問她是否用行動闢謠，她說：「嚟得都明啦。」至於被指遭阿澤咒「生仔冇屎忽」，君如說：「中國人俗語係咁尖酸，見仁見智啦，我唔係話佢有講過，只係我個人咁豁達，嗰啲係標題嚟㗎啫。」
談到腹中塊肉，君如仍甚避忌：「我到𠵱家都唔肯認，你哋就明啦，我唔係怕小器，有人鍾意講，有人唔鍾意講，呢個世界已經冇乜私隱，呢個係我下一代，公唔公開都未得佢同意，等佢同意先講啦。」但君如生產時定必引得大班傳媒追訪，她說：「追訪都冇辦法，呢個世界係咁，我好淡定，又唔係成日走出嚟。」君如會否在外地生BB？她說：「冇諗過，我屋企喺香港，家人都喺晒香港。」至於生仔或生女，君如堅決不透露。而田蕊妮談到老公阿澤與君如不和時說：「我哋同君如都當笑話咁睇，冇事發生，大家當冇嘢。」
獲LV贊助
杜汶澤對於《伊》片首映不及《黑》片盛大，他說：「杜導演（杜琪峯）係香港數一數二嘅大導，佢套戲陣容咁大，氣勢又咁大，冇得比啦。我都好鍾意佢啲戲㗎，值得好多後輩學習。」
此外，Isabella昨日在文化中心出席活動，她表示最想拍愛情悲劇，最喜歡是《偷心之約》，看四次也哭個不停。提到首次獲提名金像獎最佳新演員，她說：「我會着密實啲，young啲嘅衫，都係LV贊助嘅。」
採訪：魯萍、楊潔雯
攝影：陳偉權
