聯通上月底公布新標誌後，好多人想知佢哋有乜新搞作。原來本月初，佢哋個CDMA制式推出一項新業務，用戶可以申請一項通過手機自動接收任何格式郵件嘅服務──紅草莓（Redberry），手機郵箱業務。
顧名思義，佢同國外赫赫有名嘅無線電子郵件接收黑草莓（Blackberry）技術一樣，紅草莓係中國聯通喺Pushmail技術上，推出嘅無線電子郵件自動接收業務。呢個技術令新電郵可以同短信一樣，主動發送到用戶嘅終端上。
用咗呢個服務，用戶就可以喺任何時間同地點，通過特定手機收發電子郵件，而唔使成日上網登錄郵箱check郵件。業內人士話，國內手機收發電子郵件市場未起步，只要解決與其他郵件供應商嘅互聯互通問題，紅草莓好有可能成為聯通增值業務嘅新增長點。黑草莓雖然好用，但華華識得好多管理層都唔多鍾意，事關老闆可以每星期24ｘ7咁畀柯打你，邊有機會放假？