方剛前年八月喺內地拍劇時，聲稱被人非法扣押身份證同護照，當時佢曾報公安求助。同年十二月，方剛嘅母親病逝，未能攞番護照返香港，於是方剛日前就入稟告北京豐台公安分局，話令佢受傷害，索償一蚊人民幣。豐台公安分局就話方剛嘅情況係涉及經濟糾紛，佢哋根據「關於公安機關不得非法越權干預經濟案件處理的通知」為由，拒絕賠償，案件擇日再審。