曾有人問：「妳腰圍大定年紀大？」「嗯……」腰圍公諸人前，28吋又3分都瞞不了人，年紀還要比它大？OhNo！即使芳齡才24，答腰圍大啲都呻笨！人生滿是數字，一聽36.24，凡有姨媽到嘅都楞住了！
人是貪新忘舊的，車迷喜歡不斷換車，音響發燒友亦喜歡不斷把家裏的音響升級。當愛情氧化成感情，性愛失去了激情，有些人會選擇搞婚外情或一夜情尋找新刺激，但James、May這對夫婦卻選擇不斷把性愛Upgrade。所謂Upgrade，便是利用性玩具、性遊戲當床上的調味，就算結婚5年經過1,825晚，試勻任何體位，找到所有刺激之點後，依然樂此不疲晚晚無性不歡。
記者：馬慶武
攝影：陳盛臣
由野戰玩花式開始
「我哋之間好坦白㗎喎，由拍拖幾日開始已經有性關係，到𠵱家結婚5年，做到悶一啲都唔出奇。」James話口未完，May已搶着搭嘴：「我哋性態度好開放，如果唔係都唔接受你訪問啦！」James話做咩做得多都會厭，惟有找尋新刺激：「你覺得玩笨豬跳好刺激，但係如果要你日日跳一次，跳一個月都唔識嗌啦！咁咪加啲新嘢落去囉，可能換個環境，可能換個姿勢。」曾經有屋企唔返，到時鐘酒店玩新環境，又試過遊車河到飛鵝山試避震，由男上女下玩到女上男下再到男左女右女前男後，新環境新花式也曾經為他們帶來新鮮感。
「有味」大富翁玩到興起
真正迷上玩性玩具，由一盒「有味」大富翁開始。「嗰陣有個朋友送咗一盒大富翁畀我哋，但係內容就同性有關係，行到某一格就要幫對手按摩，不同格數按摩不同部位，骰仔幾多點就代表用口定用手按摩，幾好玩㗎。雖然身體各個部位大家都互相錫過摸過，但咁樣玩又特別興奮喎。」James話嗰次玩大富翁，搞到大家都衣衫不整「㷫烚烚」，玩緊已經好想做愛，經過遊戲當前奏，之後做愛都刺激好多。
心愛四仔
玩具滿屋的James伉儷，隨手便找來至愛的四件寶貝。
「震蛋令人失望！」
食過翻尋味，May話之後James經常自己走去買玩具：「開頭都係買吓啲擲骰仔揀體位嘅遊戲，有時擲中我要幫佢用口，有時又擲中佢要幫我用手，之後各個體位我哋都試過咁滯，都無諗過自己原來都咁鹹濕。」James說可以接受老婆鹹濕，但對象當然只可以係自己：「我嘅性能力無問題，但有咗呢啲道具就如虎添翼！」於是James繼續花錢買玩具𠱁老婆開心，「有一日James就買咗隻震蛋，我見AV女優自己都玩到𠵱嘩鬼叫，其實都想試吓，不過唔好意思開口啫。」May初嚐震蛋滋味，卻有點失望：「凍冰冰，係震得好勁，但無想像中舒服。」
比舌尖觸感更震撼
買衫都要自己試啱身，James索性捉着May一齊到旺角某性商店。May第一個反應係驚：「我見到好多粗過手臂嘅假陽具，嘩，心諗邊放得入㗎？原來James同個店員好熟，個店員仲問我上次震蛋啱唔啱使，我如實作答，佢就介紹另一款玩具畀我。」冰凍感覺因為無血無肉，於是今次揀了個可穿在手指上的震動器。「因為手指有體溫，同震蛋完全係兩種感覺。嘩，我從未試過咁High。就算係佢之前用舌尖……」May說着的是James戴着那震動指環，放進May濕暖的敏感地帶還不算最激，那尖端部份接觸其敏感核心時帶來的快感更震撼：「嗰次之後好似上咗癮，每次James用呢個玩具搞我我都好快到高潮。」James落手，原來一樣有樂趣：「見佢High到反晒眼，我都情緒高漲，見佢一邊呻吟一邊錫我個樣，好鬼有AV裏面啲主角Feel！」說到忘形，May撒嬌打了James手臂兩下！
吓？同記者分享閨房玩具
說得興起，James竟帶筆者參觀他們的閨房玩具套裝，想起那些玩具曾經進入過甚麼地方，筆者變得屏息以待。「唔使驚喎，我哋次次玩完都會清潔乾淨！」James猜中筆者所想，May卻面露尷尬地說：「唔好攞呢啲畀人睇啦，咁核突。」千奇百怪的性玩具，筆者當然不敢用手拿起研究，May卻忍不住替筆者介紹：「呢，呢個咪套喺手指嘅囉，你都買番個玩吖，包你女友話爽！」爽？會否「寵」壞伴侶，到時無震不歡？一次沒帶玩具的日本之旅，再嚐「齋」做滋味，「真係冇太大快感，更加難達高潮，第二日還是要在當地即買即玩！」May說那次在秋葉原一幢樓高數層的性商店，買了一支長形的震蛋，且還會發暖，還有泡泡浴按摩油，日本新奇玩意令他們晚晚高潮迭起，但卻沒有帶那些日本玩具回港，因怕機場過關時出現尷尬場面。
玩性玩具關係更健康
當性是遊戲，卻只是兩人的遊戲，沒有想過濫交，「買玩具玩係尋刺激啫，我哋大家都愛對方，唔係將對方視為玩伴，係視為伴侶。」James少有地收起笑容說：「如果要有新刺激，召妓重激，唔使搞咁多嘢。」May補充：「我哋玩咩都係關埋房門玩，我哋一齊享受，咁反而唔會喺出面為一時快感背叛對方。」聽到甚麼換妻、集交、甚至婚外情，在兩人眼中才是荒唐，而性玩具，則是夫婦性生活的最佳調劑，希望性生活出現危機的夫妻可以效法他們，用玩具來令性、情更融合。原來，玩性玩具都可以玩出一個使命感來！
玩性玩具好正常
香港性教育促進會會長黎定基先生：「就算幾鍾意，見得多都會悶啦，何況結咗婚幾年嘅夫婦。性生活需要新衝擊係好正常，玩性玩具都好正常，但最緊要小心唔好用太尖銳嘅性玩具，同埋小心唔好電親囉，因為生殖器官好脆弱。至於用龐大嘅性玩具其實問題又不太大，因為女仔生殖器官有彈性，只要感覺神經無問題，唔會對敏感度有太大影響。不過都唔好成日用，要適當地用。」
醫生忠告：嚴守三大遊戲規則
家庭醫生關嘉美：「基本上醫學界係唔主張用呢類性玩具嘅，但如果無性伴侶或性伴侶唔能夠滿足到而使用，尚可以接受。但使用時要守三大原則，第一唔可以令到自己有創傷；第二係唔可以同人共用，因為性玩具一樣可以傳播性病；第三就係每次用前用後都要用火酒消毒，就好似探熱針一樣。至於會否沉迷，其實就算食嘢瞓覺都唔可以太多太沉溺，最重要適可而止。」
